倪晨曦（Elva），05年多倫多華裔小姐冠軍。
25歲的她，3年前說着唔鹹唔淡的廣東話回流香港當模特兒，客串過電影《懸紅》及《八星抱喜》等，未有代表作，但名字就與小生花旦扯上，黃宗澤緋聞女、苟芸慧密友、富二代楊政龍女友……
這天，長腿索女Elva撒嬌申寃，只想：「做自己，我唔想俾人標籤！」
Elva南京出生，13歲移民多倫多，在當地認識苟芸慧。05年，她參選華姐奪冠，曾為加國「新時代」電視台作主持，大學畢業後，去年才正式全職當模特兒和藝人。
入行快3年，Elva說在香港當模特兒比其他地方都要幸福︰「香港嘅模特兒好受尊重，工作人員好照顧我哋，會問我哋凍唔凍？熱唔熱？但大陸就唔會，佢哋只會當模特兒係着衫工具，唔會理我哋感受。喺呢度我識到好多朋友，所以家人唔喺身邊我都唔會悶㗎﹗」
Profile:
年齡︰25
身高︰170cm
體重︰47kg
大眼睛樣子甜美，可塑性高，原來Elva被唔少人話佢似其他女藝人︰「最多人話我似應采兒，係笑容同側面；如果我梳晒啲頭髮去後面嗰時，又有人話我似台灣嘅大S（徐熙媛）。但其實我覺得自己邊個都唔似，亦唔想似任何人，我只想做自己，唔想俾人標籤。」
