台灣上個禮拜揭發一宗轟動娛樂圈嘅女星迷姦案。
元大金控董事李岳蒼兒子李宗瑞，涉嫌迷姦60名女藝人及名模，並拍下整個春宵過程，再以受害者姓名，由A至Z存檔。據接近警方消息人士透露，有關迷姦光碟內容激過睇三級片，比起陳冠希淫照，更加荒淫無道。
正所謂上得山多終遇虎，由於有受害人報警遭人性侵犯，警方展開調查期間，意外發現李宗瑞電腦入面收藏咗大批迷姦影片，而片中嘅女主角，已先後被邀請返警署落口供，坊間更一度盛傳，同李宗瑞傳過緋聞嘅白歆惠、吳亞馨，不幸地成為迷姦片中女主角。
潛逃避風頭
現年27歲、原名李宗祐嘅李宗瑞，去年被酷似混血名模Liz與酷似藝人瑤瑤嘅姊妹花舉報，聲稱遭李宗瑞落藥迷姦。案件調查期間，當地警方响李宗瑞電腦入面，發現大量性愛片段，入面嘅「女主角」，包括知名度高嘅女星以及名模，部分人更在不省人事，或在月事期間遭人拍下性愛影片，甚至，有3P場面。
據接近警方消息人士透露，有關影片內容，無論人數、受害人知名度以及荒淫程度，遠遠超越陳冠希淫照事件，而部分「女主角」，疑似在清醒狀態下被偷拍或自願「上鏡」。
為展開進一步調查，近日當地警方逐一聯絡片中「女主角」返警署落口供，據講，有受害人居然通風報信，令李宗瑞成功潛逃，當局已發出通緝令，有效日期至2050年2月1日，誓要緝拿淫賊歸案。
成為疑似淫片女主角，白歆惠即刻飛嚟香港箍實有米男友唐堂，離開台灣避風頭。
大把錢，又識得藝人名人，唔少發明星夢或者想嫁個有錢人嘅無知少女，以為親近到李少爺就可以攞着數，獻吻獻身隨傳隨到。左下圖合照為日籍藝人Makiyo。
最後現身7月29日
去年知道俾人告強姦，李宗瑞行蹤開始低調，但依然四圍溝女，上月底同貌似女友食完晚飯後從此失蹤。
一般通緝令最長年期只有30年，但李宗瑞嘅通緝令就長達37年半，直頭當佢係極度重犯，家陣所有海關都貼上李宗瑞嘅相，嚴防佢潛逃出境。（台灣《蘋果日報》圖片）
出身富二代、老豆大把錢，李宗瑞就算禿頭唔靚仔，照樣有女星名模向佢投懷送上門，當中包括前名模吳亞馨，2008年曾經同李宗瑞拍拖5個月；而最近成功撬走Mango有錢仔男友嘅白歆惠，亦一度傳佢同李宗瑞拍過散拖，關係唔簡單。
白歆惠、吳亞馨即時成為疑似迷姦「女主角」，兩人異口同聲否認事件，白歆惠強調同李宗瑞唔熟，並飛嚟香港同男友解話，至於吳亞馨就話同對方分手後已經多年冇聯絡。事後兩人透過經理人發出聲明，要求「媒體業者自律，勿跟隨不實報導捕風捉影，否則定將委請律師採取相關法律行動」。
個個都話自己冇份，但警方透露，受害者包括由模特兒轉型拍劇嘅W女星，身高接近180cm嘅名模C女星，以及做過飲食節目、知名度極高嘅P女星，仲有好多新晉模都有份，部分人更加係俾警方叫返警署，睇到批影片先知自己中招，都咪話唔恐怖。
隨時踎一世
據知，李宗瑞多數响夜場獵食，發現目標後會借意灌酒親近，之後藉詞送女方歸家，其間，通常男方會提出返屋企「攞嘢」，引受害人入屋，再將「加料」飲品俾對方飲用。獵物被迷暈後，李宗瑞再將對方抬入房強姦及。部分影片中，「女主角」由開始到完事明顯全無知覺，部分人其間有醒來跡象，李宗瑞會馬上停機，但鏡頭一轉，「女主角」又再昏睡，始終逃唔過魔掌，而其中一段3P片，更清楚睇見李宗瑞來來回回向兩女進行施暴，極盡變態。
由於片中大部分「女主角」都係被迷姦，根據台灣嘅「妨害性自主罪」，以強暴、脅迫、恐嚇等方法逼他人性交，處3年以上、10年以下有期徒刑；如以藥劑犯案，則加重刑罰，處7年以上有期徒刑。
至於無故以錄音、照相、錄影記錄竊錄他人非公開之活動、言論、談話或身體隱私部位者，處3年以下有期徒刑。由於李宗瑞一次過涉及多宗罪行，加上受害人眾多，極有可能被判無期徒刑，就算輕判，都要坐2、30年！
李宗瑞生得唔靚仔，但身邊大把女埋身，就連有錢女關穎，早年亦俾面到李宗瑞嘅生日派對
2008年吳亞馨同李宗瑞拍過5個月拖，有傳淫片中有疑似吳亞馨嘅女子，在清醒及知情情況下，自願「上鏡」拍片。
有指李宗瑞犯案超過兩年，最終被貌似前黑澀會成員瑤瑤，以及貌似曾經同陶喆傳過緋聞嘅巴拉圭模特兒Liz，兩姊妹一齊報警告李宗瑞強姦，令事件曝光。
瑤瑤
