當年8月，《忽周》一連3期報道珍妹嘅荒唐事。髮型師Jacky Ma（馬桂燦）老婆李靜婷力斥珍妹介入其婚姻，並大爆三人大被同眠，迷幻曖昧嘅關係。事情一鬧再鬧，珍妹潛水，人氣自此大插水。沉寂多年，韜光養晦。珍妹跟前男友潘源良重燃愛火，更修心養性，修讀珠寶課程，決意轉行另尋人生目標。
媽咪姐唔係想講咩大團圓結局。蜜桃成熟到糜爛，結果未必一定慘淡，係爛泥扶唔上壁抑或化作春泥重新開始？大家，其實有得揀。
檔案編號：第473期
日期：20/8/2004
李靜婷提出離婚，並把三人嘅淫亂史寫成書，公諸於世。當中內容鉅細無遺，相當大膽。
檔案編號：第4724期
日期：27/8/2004
連日來潛水嘅珍妹因登台關係，終於露面。不過當時佢狀態麻麻，行為癲得，面對連串醜聞亦不願回應。
1995年，珍妹與許愿同住一幢大廈而擦出愛火花，被喻為「美女與野獸」嘅組合。翌年兩人於溫哥華註冊結婚，同年誕下女兒倚榕。2000年兩人正式離婚，更因為錢銀轇轕而掀罵戰。
色慾三人行
2003年，李靜婷、Jacky Ma、珍妹大被同眠，三角關係糾纏不清。事件平息後，李靜婷秘密產女，生父成謎。2010年12月，李靜婷因腦中風去世，享年44歲。Jacky Ma則仍活躍於娛樂圈，不時為明星任髮型師。
1986年，潘源良執導《戀愛季節》時邂逅珍妹。不過男方當時有家室，戀情無疾而終。2006年兩人愛火重燃，感情穩定，有傳將會結婚。
