新一代性感女神周秀娜和浸大咪神楊梓瑤（Carol）每次同場，難免被人比較身材，前晚兩人出席新戲首映，Carol穿性感背心，雙峯幾乎逼爆彈出，反觀娜姐封胸只騷單膊，黯然失色。不過，娜姐只認青春不敵同場o靚模師妹，完全不放Carol在眼內。
王晶執導的電影《猛男滾死隊》前晚在尖沙嘴舉行首映，有份演出的周秀娜、浸大咪神楊梓瑤、陳法蓉（Monica）、莊思敏、詹瑞文、杜汶澤和一班o靚模等均有出席，曾志偉卻未有現身。跟內地富商結婚並誕下兒子的晶女郎孟瑤，當晚一身賢良密實look出現。杜汶澤卻多口指Monica不但在戲中跟王晶是一對，私下也是，說畢即作狀怕被打。
周秀娜和Carol咪神同場，Carol一副戰鬥格，穿上超低V背心，E cup上圍幾乎包不住逼爆彈出，反觀娜姐只以斜膊紅裙迎戰，傍實o靚模師妹Betrys。問娜姐為何一身睇頭輸給Carol，她只說：「係呀，我喺髮型屋見到Betrys，真係覺得佢青春無敵，同埋佢喺戲度為破處諗盡辦法，我真係認輸，佢贏晒。」問周秀娜是否心知上圍不敵Carol，故索性收起？娜姐說：「我冇睇，喺戲度我有着泳衣，大家要睇就入戲院睇。」提到日前到日本行騷，娜姐穿起內衣狂騷身材，但在香港卻如此密實，她否認偏心，更揚言今年不會再到日本，留在香港搏殺。
Carol被問到撼贏娜姐，她說：「我冇諗過，只係諗住首映着靚啲。」她坦言因近日趕功課而瘦剩得95磅，上圍也縮水，現正狂食增肥。
有否飲奶進補？Carol說：「飲奶唔可以豐胸，食魚先得，媽咪都有整畀我食，但我冇時間返屋企食飯。」
詹瑞文穿上「I Got 6000」的T恤，他笑言要跟港人慶祝，他透露日前未有參加反預算案遊行，他說：「我要以唔同方法表達自己意見。」杜汶澤則在微博透露出席首映時跌傷手，結果昨日未能坐飛機到印度。
from:
http://hk.apple.nextmedia ... art_id=15054597
