發新話題 Report thanks

[資訊分享] 內地劇大王私有化百果園DaDa 陳靜終極一露

書展揭幕,o靚模寫真大戰正式展開。今年最觸目的寫真女神,除咗玩「3D洞房」的周秀娜,肯定輪到「百果園E神」DaDa(陳靜)。
21 歲DaDa出道兩個月,憑甜樣及E Cup巨乳上位,唔只宅男嗒糖,據知最近亦被47歲、有內地劇大王之稱的海潤影視老闆劉燕銘绩中,斟佢北上拍30集民初劇;另外內地online game《龍頭摩奇地帶》亦找DaDa任代言人。為滿足內地劇大王,DaDa決定暫時封咪,全心全意賺人仔。
內地劇大王私有化百果園DaDa 陳靜終極一露圖片1內地劇大王私有化百果園DaDa 陳靜終極一露圖片2
DaDa平時大騷E Cup本錢,但影內衣相還是第一次,所以有點尷尬,點都要求有件薄紗遮吓!
睇2千萬豪宅

互動片段
百果園DaDa終極一露:http://hk.apple.nextmedia.com/admedia/20100720/165FEDV02.flv

本週一(19日)DaDa由女友人及一名地產女經紀陪同下到ifc睇位於南區的「南灣」示範單位,其間DaDa不停向女經紀查詢單位座向及單位附送家具、電器牌子。
內地劇大王私有化百果園DaDa 陳靜終極一露圖片3內地劇大王私有化百果園DaDa 陳靜終極一露圖片4
DaDa绩中嘅鴨脷洲「南灣」單位,現暫推出的單位面積最細都成千四呎,最低入場費要千九萬。如果DaDa真係想做業主真係要狂接內地劇先得喇。
21歲DaDa自今年4月改行性感路線盡晒「事業線」後即時彈起,就連o靚模師姐Kama(羅凱珊)都點名睇好DaDa於一眾o靚模中跑出。

DaDa雖然係宅男女神,但私底下亦相當豪邁,早前被拍得當街扯煙。《蘋果日報》圖片
內地劇大王私有化百果園DaDa 陳靜終極一露圖片5
攝影師要求DaDa着襪帶,不過DaDa話:「太過sexy喇!」唔肯着。

北上培訓
DaDa憑E Cup咪咪上位,自4月彈起後除了騷接騷,亦將於書展期間連同兩位師妹推出處女寫真賺宅男錢。
19歲拍「百果園」廣告後仲未彈起,DaDa深知青春有限搵錢要快,於是上月便透過中間人於西貢密會內地劇一哥、海潤影視老闆劉燕銘,同行亦有跟她屬同一經理人公司的Liz(李莉琳)。
據知,劉總首次跟她們見面,便決定扑鎚,邀兩位到內地拍劇,DaDa亦向本刊承認此事:「上個月我同劉總食過飯,佢覺得我國語ok,雖然冇拍戲經驗,不過都可以試吓。至於同邊個合作,我就未知喇。」據知DaDa和Liz將參與一套30集民初劇演出,預計9月於河南取景。

豪宅脫貧
有內地水喉射住,加上最近密密接商場騷,搵埋唔少的DaDa,最近更決定脫貧,遷出原居月租5千元的屯門私樓時代廣場,升呢覓豪宅新居。本週一(19日),本刊便發現DaDa由一名任職香港置業的地產女經紀帶領到ifc參觀南灣(Larrvotto)示範單位,該屋苑現暫推單位由1,400呎至3,900多呎不等,呎價平均約萬3蚊,最低入場費逾千九萬,DaDa要成功進駐,真係要有種金的本事。DaDa事後對記者說暫時仍在物色階段,「我都係嚟學吓嘢,我之前睇過尖沙咀區一帶嘅樓,貪嗰度交通又方便啲,或者會搬去嗰度。」

屯門妹變富貴o靚模
出身草根、家住屯門的DaDa這兩個月極速彈起後,即急於升呢。週一本刊更拍到她到中環ifc睇主要由新鴻基發展的鴨脷洲豪宅「南灣」。該盤特色係全落地玻璃,眺望富豪出入的深灣遊艇會,首批推出最平嗰個單位都要千九萬,DaDa由屯門妹搖身變富貴o靚模喎。
內地劇大王私有化百果園DaDa 陳靜終極一露圖片6
月租5千升呢
DaDa現以月租約5千多元租住屯門時代廣場一個約4百呎單位。上月她便被拍下返回屯門寓所。《蘋果日報》圖片

禁相外洩
DaDa叠埋心水到內地拍劇搵人仔,唔似一般o靚模搏到盡袒胸露臂,明顯惜肉為自己留條後路。所以今次推出處女寫真後,她便決定暫時封咪。其經理人施念慈更決定把寫真集中最激露出DaDa「人」字咪的相抽起,施念慈說:「唔想佢太過性感,怕女讀者會對佢好抗拒,留番下次啦!」長賣長有,醒目吖!

僅露南半球
原本拍攝寫真時DaDa正面露出「人」字事業線(右圖),經理人施念慈覺得角度太性感,所以最終抽起,故寫真內只能見到DaDa側身露南半球(下圖)。
內地劇大王私有化百果園DaDa 陳靜終極一露圖片7內地劇大王私有化百果園DaDa 陳靜終極一露圖片8
禁 人字波
內地劇大王私有化百果園DaDa 陳靜終極一露圖片9內地劇大王私有化百果園DaDa 陳靜終極一露圖片10
DaDa跟兩位師妹Liz(右)及Ayu(左)的首本寫真《FIRST IMPRESSION》本週三(21日)推出,售88元。
寫真
寫真內橫睇掂睇都冇DaDa正面露出「人」字事業線的照片,頂籠係單波。

專抄索女
女神寫真離不開水着和內衣,甫士亦差不多。本刊亦發現DaDa首本寫真內多個造型跟Leah Dizon及《變形金剛》女Megan Fox舊寫真及廣告相造型十分相似。
內地劇大王私有化百果園DaDa 陳靜終極一露圖片11內地劇大王私有化百果園DaDa 陳靜終極一露圖片12
似Megan Fox
抄Leah Dizon
內地劇大王私有化百果園DaDa 陳靜終極一露圖片13內地劇大王私有化百果園DaDa 陳靜終極一露圖片14
黑白着bra top相,似足Emporio Armani內衣廣告內的Megan Fox。
呢款針織bra top造型擺明抄Leah Dizon。

如果您喜歡這篇文章,請按「讚」或分享給您的朋友,以示鼓勵。

TOP

thanks 
熱門話題:電腦節2014 」 「開倉情報