現年39歲的鍾麗緹（Christy）大前日榮升第三任媽咪，她在北京誕下重3.3公斤（約7.2磅）的小B女Cayla，餵人奶的她更表示三個夠晒數。Cayla輪廓分明，活潑可愛，她的二家姐為守護妹妹，更要親友先洗手才可抱BB。
鍾麗緹大前日為丈夫嚴錚再添一名重3.3公斤的女嬰Cayla，連計她跟外籍前夫所生的長女，她共有三名女兒。雖然Christy產前一直恨仔，最終誕下女兒，但全家還是熱烈歡迎新成員，一家五口更會開開心心迎接虎年。
Christy今胎自然分娩，並開始以人奶餵育囡囡，她表示囡囡比預產期遲出生，在港聘請的陪月早於一周前已到達北京做準備，但Cayla直至大前日才肯出生，Christy前晚在長途電話中說：「生呢胎好舒服，我痛咗一陣就生咗佢出嚟，一切好順利，我同BB都好健康，爸爸仲幫囡囡剪臍帶。」
Cayla的兩位姊姊連日都到醫院探望，尤其是只有歲半的二家姐最緊張，Christy說：「因為產前我教過二家姐要錫妹妹，抱佢要洗乾淨對手，所以二家姐每次見有親友想抱BB，佢都必定監察大家先洗手，佢好搞笑。」
Christy表示有女萬事足，而且三個已經夠晒數，她的肚皮將可以收工，就算家中陰盛陽衰都沒辦法，她說：「我哋冇因為呢胎係囡囡失望，我同老公都好鍾意小朋友，仔女都一樣咁錫。」Christy最希望三個女兒健康快樂，做個開心快活人。
from:
http://hk.apple.nextmedia ... art_id=13711796
