陳加玲和陳秀雯一直姊妹情深，直至08年底，陳加玲突然炮轟姐夫林國雄假出家真騙財，又爆料指借給他的300萬元有去無回頭。陳加玲不值姊姊執迷不悟，姊妹反目。
過去一年，兩姊妹甚少在公開場合露面，大家以為事件已淡化，怎知脹爆的陳秀雯前日談到與妹妹的關係時說：「手足情深唔係理所當然，有應該要珍惜。」這句話卻令姊妹罵戰死灰復燃。
陳加玲昨日在電話中勞氣地說：「我睇完好嬲，好難受。我就認為姊妹情深係理所當然，我一出世就好珍惜兄弟姊妹親情，姐姐照顧妹妹係天公地道，乜嘢唔係理所當然，家姐未識嗰個男人（林國雄）之前都好好哋，但之後就變晒。」
陳加玲續說：「佢（陳秀雯）冇做好本份，冇照顧好屋企人，佢有乜嘢資格講呢啲說話。我唔該佢唔好再行出嚟咁講，好肉酸。」
from:
http://hk.apple.nextmedia ... art_id=13694693
