(如果大家覺得好，請給多點心心或著數分鼓勵下!)
2008-2009年的電腦節舉行次數很多，商戶個個都喊哂口，不過對用家黎講就可以多左機會買到平野，同多左一D節目約埋行街。
2010年的深水埗電腦節將不會再響黃金商場附近，而係去到下一站長沙灣的長沙灣遊樂場，根據多年行電腦節經驗，到處都會同步減價，有些仲要鬥到平過會場，呢D日子，真係有D會平過行家的批發價，但亦有D係掉返轉先加後減，就好似上次咁就係，好彩都買唔多蝕少D，有時真係買完先再減價，激都激死。
黎緊今次會在15/01/2010-18/01/2010 舉行，聽講今次唔會有抽獎，不過有以下節目，搞到成個嘉年華會咁。
一、台灣美食坊
大會首次與台北貿易中心合作於會場內特設「台灣美食坊」，為大家帶來台灣的美食攤
位，包括現場烤香腸、新竹海瑞貢丸湯、台南小南米糕、豬肉紙等各款熱辣辣台灣特式美食，以及各類香滑甜品。
二、林林總總優惠劵
深水埗電腦節2010 (香港電腦節2009)的大會場刊將結集各式各樣由參展商提供的I.T.優惠劵，免費派發給市民。
三、瘋狂勁玩「玩樂賞」遊戲站
為讓您投入歡樂遊戲世界，大會首次於場內推出攤位遊戲，設置「玩樂賞」遊戲站。入場人士凡於會場攤位內買滿港幣500 元或以上，即可憑即日收據（以單一收據計算）參加攤位遊戲（四選一）包括：擲出數碼彩虹、過三關、樽樽有獎以及黃鋁罐，贏取豐富獎品。
而今次的電腦節大使又係請左STEPHY鄧麗欣，想攞簽名的FANS又會多左一堆人了。但係唔緊要，今次會有免費穿梭巴士，任你搭。有好必有壞，免費野好有可能勁多人排隊，交通咁方便，都係自己搭車過去比較好。
開放時間如下:
1 月15 日至17 日(星期五至日)上午11 時至晚上10 時
1 月18 日(星期一)上午11 時至晚上9 時
各位到時無地方去，可以去行下。
(如果大家覺得好，請給多點心心或著數分鼓勵下!
)
[
本帖最後由 mattwong 於 2009-12-30 23:41 編輯 ]
