]因搭上周汶錡（Kathy）的法籍男友Julien而大出風頭的女歌手張苡澂，前晚又孖住風水師好友七仙羽在尖沙嘴出席電影《矮仔多情》首映。藉緋聞上位的二人，被周麗淇暗寸黑心兼扮嘢，其實兩人前晚均不在嘉賓名單之列，反而周汶錡原本會出席，最終卻沒到。
「周汶錡好靚女」
雖然如此，仍無阻張苡澂繼續搬緋聞開腔，她一見記者就自爆近期因是非困擾而消瘦，之後滔滔不絕說：「我一直都係正面嘅歌手，清者自清，我都唔知佢係周汶錡男友，我覺得周汶錡好靚女，就算再見到都唔會尷尬囉。」又主動解畫說：「嗰日我同呢個法國仔真係冇乜親熱動作，如果真係因為自己而影響咗佢哋嘅感情，我都會負責任。」
