周麗淇（Niki）與家姐周汶錡（Kathy）姊妹情深，對於家姐的法籍未婚夫Julien Lepeu偷嗒女新人張苡澂（Venus），Niki力撐家姐，反指Venus博宣傳兼寸她說：「咩人嚟o架？」由於Venus解釋講出來是希望Kathy知道Julien真正為人，Niki有骨地說：「嘩！咁偉大？」
Niki昨日身穿黃色連身裙出席活動，當記者準備開口問及有關家姐Kathy的法籍未婚夫Julien被拍到狼啜Venus及拖手一事，有備而來的Niki醒目地說：「冇睇報道，不過知有呢件事。（有冇打畀家姐了解？）有見面，呢個係家姐私人嘢，佢識處理，我只可以講家姐心情OK，冇乜嘢。」
爛桃花咁鬼黑心
對於Venus的風水師好友七仙羽指Kathy有很多「爛桃花」，Niki怒罵說：「唔係啩，咁黑心，唔知咩嚟，未到最後一刻唔知。（家姐大把人追？）咁又唔係，佢係好女仔，最緊要佢開心同幸福。」問Niki是否認識Venus？她不屑的說：「唔識，咩人嚟o架？」明寸她知名度低，隨即又嘆氣說：「唉！呢啲嘢，真係唔識講。」Venus自爆因此事已被唱片公司雪藏，Niki沒興趣說：「唔回應，唔係當事人。（會唔會陪多啲家姐？）一向同家姐都好close，當然呢件事對佢有影響。」
Venus曾表示踢爆Julien手多多是希望Kathy清楚未婚夫為人，Niki對此寸爆說：「嘩，咁偉大。」並暗寸對方博宣傳：「我同家姐都唔會透過報章雜誌講嘢，唔會覺得好奇怪咩？」問到是否覺得Venus博出位？Niki淡然說：「唔知！」
兩姊妹情路坎坷
另外，有指Kathy與Julien因緋聞吵大鑊兼分手，Niki說：「感情嘅嘢等家姐見大家先講啦，作為細妹精神上支持佢。（覺唔覺家姐埋門一腳就衰收尾？）都唔係埋門一腳，又冇講過結婚。（贊唔贊成家姐同男友分手？）家姐開心咪得囉，每個人處理同思想都唔一樣。」由於Niki的前緋聞男友鄭嘉穎，亦是背她與佘詩曼撻着，即被取笑兩姊妹感情路上同樣坎坷？Niki惟有苦笑雙手掩面說：「兩樣嘢唔可以拉埋一齊講，作為女性都想另一半好，同搵到個好男仔。（你定家姐嘅戀情慘啲？）唔識答，救命……」
如果您喜歡這篇文章，請按「讚」或分享給您的朋友，以示鼓勵。
