發新話題 Report thanks

[資訊分享] 陳雅倫巨胸引佬


陳雅倫巨胸引佬圖片1
陳雅倫着住條低到冇得再低嘅吊帶裙,引到一班麻甩佬喺佢心口附近係咁影呀影,陳雅倫呢兩萬蚊的確唔易賺。
自從俾人影到醉啜吳鎮宇後,43 歲陳雅倫自此長駐國內搵人仔,雖然媽咪姐之前聽到佢話要買樓買跑車留港消費,好似好風光咁,不過依家就好似冇晒下文,啱嘅,話晒經濟唔好,都係使少啲賺多個錢傍身好過啦。
陳雅倫巨胸引佬圖片2
見偶像派簽名相,台下餓狼即時蜂擁而上,43 歲陳雅倫喺麻甩佬心目中,似乎都仲有啲魅力。
陳雅倫巨胸引佬圖片3
台下觀眾送上毛公仔,陳雅倫亦即時烏身「賣大包」還禮。
陳雅倫巨胸引佬圖片4
陳雅倫唱唱吓,忽然有男觀眾扯佢落台,嚇到陳猛嗌「唔好!」最後要在場實Q 幫手先甩到身。
陳雅倫巨胸引佬圖片5
陳雅倫多年前同王敏德拍三級片《危情》,一脫成名,如今北上銀一樣要行性感,都咪話唔欷歔。
前幾日,媽咪姐就喺佛山一間夜店見到陳雅倫登台,雖然四張幾嘢,不過着起超低胸吊帶裙嘅佢,依然有睇頭,搞到台下班國產麻甩猛話「好」,其間仲有個熱血猛男情不自禁扯陳雅倫落台,嚇到陳猛嗌「唔好!」
媽咪姐收到風話陳雅倫今次登台價實收兩萬唱四隻歌,雖然比起佢十幾年前拍三級片《危情》嗰陣,絕對蚊髀同牛髀,不過呢個時勢,密食當三番,點都好過踎墩等運到呀

如果您喜歡這篇文章,請按「讚」或分享給您的朋友,以示鼓勵。

TOP

thanks 
熱門話題:開倉情報 」 「電腦節2014