鍾麗緹離開Muse 時邊落樓梯邊載歌載舞，見到老婆醉成咁，一直行響後面嘅嚴錚翔竟然袖手旁觀冇幫手。
41 歲嘅鍾麗緹，生完個細女Jaden 只係5 個月，已經急不及待要復出搵奶粉錢，都咪話唔辛苦。唉，鬼叫佢老公嚴錚翔工都冇份正經，靠晒麗緹養起成頭家咩。唔知係咪湊女辛苦得滯，鍾麗緹一有機會就要釋放自己呢？1 月8 號佢拖埋老公去上海出席珠寶品牌Thomas Sabo 嘅活動，著住條喱士短裙不知幾風騷，滿場飛同人攬頭攬頸打交道。
出席Thomas Sabo 活動落車時，穿短裙嘅鍾麗緹毫不介意擘髀，差少少就走光。
鍾麗緹同兩名內地女仔組成嘅「女神」，12 月去咗安徽蕪湖登台，繼續賣性感。
活動後鍾麗緹返酒店換完衫再出動，聯同成班朋友去劉嘉玲開嘅Muse 酒吧繼續狂歡，響酒吧內不停唱歌跳舞，千杯不醉咁杯杯清，飲到凌晨兩點幾，已經爛醉如泥，要由兩名女友人攙扶離開。鍾麗緹雖然左右手都俾人捉實，但依然唔受控，high 到邊落樓梯邊跳舞，真係睇見都牙煙。佢郁身郁勢，patpat 不停扭動，仲搞到露出黑色T-back 都唔知。唉！做咗人阿媽都仲係咁豪放，第時點教女呀？
