下月滿43歲嘅性感女星陳雅倫，雖然已屆中女之齡，但仍然活躍夜場。06年陳雅倫飲到high ，同有婦之夫吳鎮宇蒲吧激吻，一度搞出個大頭佛，諗唔到佢趁元旦又劈到啤啤夫，一拖二喺蘭桂坊孔雀開屏！前晚老蘭人頭湧湧，個個都雀躍迎09。身穿火紅低胸連身裙嘅陳雅倫同兩名男士夜蒲Beijing Club ，到凌晨4點幾一齊離開，當時女嘅已經飲醉，腳步浮浮，被同行兩男又攬又拖，其中一名男士同陳雅倫講：「我同你坐的士走
。」酒醉尚有三分醒嘅陳雅倫仲識嗌唔好，同佢講：「唔使，我自己坐的士走。」
《兩男攬實》一身酒氣嘅陳雅倫被兩名男伴（右二、三）又攬又拖，準備帶佢上的士離開。
《吸引竹升》幾名路經嘅竹升仔搭住陳雅倫膊頭影相後，竟然問佢係邊位，令陳雅倫
爆。
「你係乜嘢人嚟㗎？」
跟住兩男拖住陳雅倫截的士，其間佢哋發現有記者影相，當中帶醉嘅四眼男子突然爆粗鬧記者：「我做咗10幾年photographer 㗎，唔好影，走X 開啦！」陳雅倫都搭嘴話：「我都畀你哋影啦，交晒功課，唔好影喇。」點知話口未完，幾名路經嘅ABC 竹升仔對記者舉機大感好奇，竟然湊熱鬧迫埋陳雅倫身邊，搭住佢膊頭扮鬼扮馬黐上鏡。
《低胸夜蒲》陳雅倫以一身低胸性感打扮迎09，飲醉酒嘅佢目光呆滯兼腳步浮浮，同行男伴即時攙扶。
from
http://appledaily.atnext. ... art_id=12039604
