由模特兒出身的女新人唐素琪（Chelsea），招牌式甜美笑容，幾時都咁活潑可愛。講到買衫扮靚，Chelsea自言同時下少女一樣都好貪靚，買衫首選粉紅色，今日她為求突破，嘗試轉轉新口味，以全新Rock女形象亮相，唔知大家又會畀幾多分呢?
早於Chelsea當模特兒時，已經儲落一大批粉絲，網民大多封她為心目中的女神，人氣指數爆晒燈。對於今次的新造型，Chelsea表示：「出道以來，我都鍾意較女仔的打扮，亦經常穿覑粉紅色的服飾出席公開場合，感覺較Sweet。而Rock造型自己就從未試過，今次即管試一試。」
骷髏頭Rock到底
Chelsea首先以搶眼的桃紅色背心外套襯連身裙，再配以魚網絲襪，Rock得有個性。接覑，以紅色格仔短褲配黑色漆皮褸，加紅色襪褲，即時長腿盡現，性感又野性。最後，就以骷髏頭標誌裝飾，一於Rock到底。Chelsea補充：「近期忙於拍攝電影工作，有機會嘗試全新Rock女形象，非常好玩！」
查詢：31011189
