圖案會隨喺溫度漸高，由灰藍色變為黃色。
衣食住行以衣為首，尤其香港人，個個都話「先敬羅衣後敬人」，情願餐餐公仔麵都要喺得夠光鮮，最好每日唔同look 先有face 。不過大前提都係錢！錢！錢！
若果有件衫可以變出各種不同顏色不同圖案，一件當幾件喺就最perfect ！但這些明日科技都只能是空想……
卻原來，這種高科技tee 真的悄悄在香港登陸了。Crescendo 的老闆Cynthia 引進韓國的技術，推出一系列「變色」服飾，一件tee 只要在不同的光暗、溫度下，便能變出不同的圖案和顏色，玩味十足，得到一班年輕人撐場，亦為她變來每月2萬多盈利。
光變
在較強的燈光或陽光下，女孩圖案的皮膚變為紫色。
正常狀態
女孩圖案tee 集合光變和溫變技術，售$168，現只賣剩一件。
在Crescendo 店內，Cynthia 就像魔術師般，拿喺紫外線光管、熱力燈等做道具，為客人表演「魔術」。她拿喺一件印喺俏女孩大面特寫圖案的tee ，把光管照喺圖案，原本女孩沒有顏色的臉，轉眼變成粉紫色，接喺她再把道具換作熱力燈，女孩的頭髮便由灰藍色變成黃色，非常有趣。
原來這些tee 運用了韓國的變色技術，當中又可分為光變、溫變和夜光3種不同的變色效果。夜光就像在tee 加上了螢光粉般，在黑暗環境中才能看到圖案，但此技術較為常見，不及光變和溫變特別。「光變就係要喺陽光或強光下，先能夠顯現件tee 上面隱藏嘅圖案，或者變第二種顏色。溫變就係隨住溫度變化，如體溫、氣溫令圖案變色，其中溫變同光變可以同時用於一件衫上面。」除了變色tee 外，遲些還有帽、手袋、皮帶等變色產品。
店內有齊紫外線光管和熱力燈，可讓Cynthia 即場示範變色效果給客人看。
平價 專做年輕人生意
其實這些服飾，是來自韓國一個新品牌brannyko ，在韓國發展5年，其廠房設在中國內地，在韓國和內地有過百間特許經營的加盟店，能讓Cynthia 抓住這個商機的，全靠其父親。「有日我爸爸睇衛視一個節目，介紹嘅變色衫技術，原來呢個技術以前係用喺軍事上，後來韓國有公司再研發，申請咗專利，創造咗brannyko 呢個時裝品牌，而家除咗韓國，個牌子喺內地亦開始hit ，佢覺得呢個技術好得意，就話畀我聽。」
本身任職成衣出口工作的Cynthia 一直都有意創業，聽到這個技術，覺得在香港應該會有市場。「我周圍問朋友有冇聽過呢樣嘢，九成都話未聽過，仲問我係乜，佢哋都覺得好得意，至於做designer 嘅朋友就話呢種技術主要係一嘅高級牌子先會用，價錢仲幾貴，但係brannyko 就主要針對年輕人市場，2、3百蚊就有交易，所以我好想挑戰吓自己眼光。」熟客阿Joe 就是經朋友介紹認識變色衫，一口氣買了幾件。「以前都未聽過變色衫呢樣嘢，見到嘅衫變色同多咗圖案，覺得好得意，一件衫可以當兩件喺。」
Cythina 專程請來model ，穿上變色服飾拍攝宣傳照片，方便到其他時裝店傾批發。
正如Cynthia 所說，香港著名街牌時裝設計師Fingercroxx 主腦Wallace 表示，幾年前他曾見過運用類似技術的牛仔褲，就是牛仔褲的圖案，在熱力下會變色，不過當時不見得太流行，而且只限於牛仔布質料，所以現時的變色衫對年輕人仍然有新鮮感，「而且而家可以印落tee 、冷衫、帽上，多元化好多，應該都會岩年輕人市場。」
年初，Cynthia 便喺手搵有關資料，聯絡到品牌在內地的負責人，傾加盟事宜，還買了幾件變色衫試穿看效果。品牌其實都有意打開其他市場，加上Cynthia 對成衣、出口都有豐富經驗，雙方商討了數月便達成合作，付出20萬做加盟費，成為內地以外的分銷商。
光變
黃色小背心驟眼看只見tee 上印有熨金字，但在陽光下，即現出粉藍色蝴蝶和粉紅色花紋圖案。$238
光變
在變色系列中，以光變最受客人歡迎，除了tee 外，牛仔褲亦能運用此技術。$648
韓國技術 香港design
Cynthia 為迎合香港市場，並不直接向品牌入貨，反而找朋友設計新款的圖案。「香港人要求比較高，尤其係tee 上面嘅圖案好重要，好彩品牌畀咗好大自由度我哋，可以任我哋設計款式，只要唔涉及其他牌子就冇問題。所以我就搵咗嘅designer 朋友，以freelance 形式幫手，叫佢哋畫嘅設計賣畀我，一個設計大約萬幾蚊，佢哋全部都喺大品牌度做嘢，好似I.T 咁，設計嘅款式都好岩我心意，例如骷髏、人面、同埋一嘅不規模嘅線條圖案都賣得唔錯。」
除了款式外，Cynthia 還把服裝size 及cutting 改良，「內地人鍾意喺一嘅好貼身嘅衫，女裝款仲會好短身，差唔多露臍，但係香港人就鍾意喺鬆少少同長身嘅，所以我就自己買咗一嘅tee ，度過晒嘅size ，畀個尺寸內地廠去生產。」
由於款式和size 都要另外生產，故服飾成本約佔零售3至4成。「而且廠方面要求我哋每個款最少入300件，雖然成本貴咗，但迎合香港人口味，先係最重要。好似呢個技術仲有一種香味變化，只要嘅衫經摩擦後，就會釋放出花香，聽落好似好特別，可惜係嘅香味好短暫又淡，我入咗一批試賣，見銷路唔好，第2個月已經唔再入。」為了推廣產品，Cynthia 服飾定價只取約5成利潤，最平的女裝tee 只需要百多元起。「而家經濟唔好，寧願賣平嘅，做好個口碑先。」
熟客阿Joe 經朋友介紹接觸變色衫，大讚好特別，「嘅衫款唔錯，價錢又唔貴，最得意係會變色，幾抵喺。」
