成龍跟經理人陳自強（Willie ）合作三十年，關係不再，Willie 日前更開口承認與高級副總裁蘇志鴻已經辭職，黯然離開成龍的JC-Group 。
表面扮無嘢，Willie 其實怨氣十足，唔妥多時。
打入冷宮
上月底，爆出身為成龍JC-Group 集團CEO 的陳自強以及總經理蘇志鴻齊齊劈炮唔撈。當年形同父子，今日二人反目，遠因是成龍兩年前主演的《新警察故事》嚴重超支二千萬所致，當時負責控制成本的陳自強認為投資過高，成龍卻堅持繼續揼水，最後要楊受成出面調停先告平息。
上週五（十二月廿八日），記者在旺角食肆遇上陳自強，對於被打入冷宮，跟成龍反目，他繼續扮無事，但承認成龍已經搵人代替其位置。「佢（成龍）搵咗鬼佬幫手，遲啲佢哋會返工，我以後淨係幫佢電影嘅嘢啫。」
愈賺愈少
事實，《新》片超支事件前，二人關係已開始惡化，原因是成龍逐步將昔日幫他打江山的陳自強打入冷宮。
「佢去荷李活簽美國經理人，Willie 已經冇得分，不過佢知道自己唔熟悉荷李活運作，所以都冇辦法。不過就連北京同台灣，成龍都要另外再簽經理人，Willie 即係得番香港一個地方可以分紅；成龍已經好少響香港拍戲，之前《新警察故事》又超支蝕錢，佢根本冇得分。」知情者說。
正式分家
除了「冇肉食」，成龍跟英皇老闆楊受成埋堆，自此有「兄弟」無「老豆」，也是二人決裂原因。受冷落的陳自強終日借酒消愁，酒後更不時向身邊友人哭訴遭冷淡對待。
「佢飲親酒都醉到喊，話成龍對佢唔好，以前有乜事都會搵佢，依家就連見面都好少，只係識得楊受成、黃玉郎，覺得自己好冇地位，變咗孤獨老人。」知情者說。
令陳自強感到世態炎涼，不被尊重，是在公司愈來愈無地位，連曾經得他力捧的吳彥祖，亦開始對他疏遠。「佢話以前捧紅過好多大明星，佢六十大壽時，啲人都會去賀佢，估唔到吳彥祖咁實際，知道佢地位不保，就即刻現晒形，唔再搵佢傾偈。」
意興闌珊，加上去年契仔陳自舜（導演）以及親細佬相繼因病逝世，心情低落的陳自強再無留戀，去年已經多次提出辭職，今年一月一日起，他正式脫離JC-Group ，與成龍分家。
恩怨三十年
成龍於七歲開始習武，並當起電影龍虎武師，認識了陳自強及得已故導演羅維賞識，被推薦做《蛇形刁手》、《醉拳》等功夫電影的男主角，被喻為第二位李小龍。八十年代，《A 計劃》及《警察故事》等系列在全球狂收，令成龍躍升為國際巨星，身為經理人的陳自強亦賺到盆滿
滿。
九二年，成龍憑《紅蕃區》成功打入荷李活市場，更簽約美國的經理人公司，主力拍西片，自此令陳自強收入大減，雖然成龍其後成立的JC Group 經理人公司由他擔任掌舵人，但二人感情已大不如前。
○四年，成龍拍攝《新警察故事》時為迎合荷李活市場而加入大量爆破場面，電影嚴重超支二千萬，令負責控制成本的陳自強極度不滿，加上近年成龍對英皇娛樂老闆楊受成言聽計從，陳自強備受冷落，終導致兩人三十年的兄弟情決裂。
金牌經理人
八八年成立「影藝經理人公司」的陳自強，在九十年代曾捧紅多位巨星，包括成龍、張曼玉、張學友、鍾楚紅、鄭裕玲和王祖賢等，因而被喻為「金牌經理人」，及後因鄭裕玲、張學友等相繼離開，九三年中，「影藝」結束。近年他主力為成龍打理JC Group經理人公司，先後簽下吳彥祖、陳冠希及Maggie Q 等，並協助眾人打入荷李活市場。
因為電影《新警察故事》超支，成龍跟陳自強反目，不過事件仍未鬧大，首映當日，成龍跟楊受成、謝霆鋒依然笑到四萬咁口。
成龍：你早啲抖啦！（設計對白）
陳自強：正反骨仔！（設計對白）
上週五，本刊記者在旺角一間食肆遇見陳自強，雖然他著住熒光大褸，但難掩落寞神情。
張曼玉得到陳自強提攜，由花瓶變為演技派，屢次奪得影后，現在二人仍是好朋友。
JC-Group 旗下藝人賣少見少，相中只有
口明日嘉，盧惠光以及尹子維仍留在公司。
