著數優惠交流網 » 影視、娛樂交流區 » 同你吟一吟:鄭欣宜秋官(鄭少秋)連環Kiss

同你吟一吟:鄭欣宜秋官(鄭少秋)連環Kiss

1^# 大中小 cheshire (IP: x.184.192.x) 發表於 2007-11-2 17:39 發短消息只看該作者

十一月七日係《歡樂今宵40周年》聯歡，事先張揚會現身party 嘅肥姐，派出愛女欣宜上台表演歌舞，合作對手仲要係老豆鄭少秋，一齊合唱秋官經典名曲《天涯孤客》。
父女同台，欣宜星期一（十月廿九日）同秋官排舞時表現雀躍，仲話希望媽咪都可以一齊演出，表演一字馬俾大家睇。肥姐台上獻技大家暫時未有機會欣賞，但秋官欣宜兩父女就落力配合，應記者要求即場互攬互嘴，非常合作。
有秋官喺身邊，欣宜笑到收唔到聲，記者要乜有乜，兩父女互嘴，唔同角度唔同嘴法完全順應民意。
欣宜心情超靚，全因肥姐早兩日入院檢查，好快已經可以出院返屋企休息，不過秋官仲係唔放心，吩咐欣宜唔好俾媽咪食蟹，注意一吓飲食。秋官咁緊張，肥姐一定收到聽話。
同場加演︰三嬌壓Joey
秋官同欣宜排舞溫情洋溢，但隔籬排舞室一排女歌手為歌星賀台慶彩排，情況就截然不同，尤其要天之嬌女Joey 拍住整容三嬌，一姐連笑容都唧唔出。

兩父女順應記者要求，連環嘴唔停，有老豆錫晒，欣宜更加邊嘴邊笑。

睇吓我個女幾有charm ！（設計對白）

表演完互嘴，兩個各自戴上眼鏡，欣宜果然盡得「扮嘢秋」真傳，甫士都多過人。

26/10
上星期五，肥姐同張徹太太成班人去咗灣仔大歎$980一位嘅大閘蟹，雖然職員聲稱肥姐無食到蟹，但之後佢入咗瑪麗醫院，令外間再度擔憂其病情。
壹周刊第921期

廷伸閱讀/相關主題推介:

相關主題:鄭欣宜秋官鄭少秋

如果您喜歡這篇文章，請按「讚」或分享給您的朋友，以示鼓勵。

TOP

著數優惠交流網 » 影視、娛樂交流區 » 同你吟一吟:鄭欣宜秋官(鄭少秋)連環Kiss