農曆新年親朋共聚，除咗拜年(逗)利是，一大班人梗係唱K喇！呢部iSing「唱歌神器」採用一體式設計，內置10.1吋屏幕、雙立體聲喇叭，只需使用跟機兩支無線咪，便能二人合唱，比去年熱爆的「K歌咪」更加好玩。機內預載16GB記憶體，用戶可經USB、Wi-Fi或藍牙入歌；同時可透過Android系統安裝《天籟K歌》、《全民K歌》等唱K程式。小記試玩時，基本上開機着咪已經唱得歌，還可經面板調校音量、回音及低音強弱效果，並可透過篤芒選曲。嫌屏幕唔夠大，仲可經HDMI線接駁大電視，玩落勁有Feel！它充滿電後可使用3小時，配合機頂手挽，真係可以去到邊唱到邊！
iSing支援二人對唱，新年可齊齊唱爆咪！售價：$1,980
跟機附有兩支無線咪，每支以兩枚AA電池驅動。
可經USB插口入歌，並設有HDMI插口將畫面輸出至電視。
經上方的面板可調校音量、回音及低音強弱，不難上手。
內置10.1吋彩色屏幕，還可切換屏幕大小。
查詢電話：3148 9455
撰文：陳志滔
攝影：郭凱敏
