「Saving」王浩信近年好受歡迎，工作冇停過，有傳二人聚少離多，感情轉淡，老婆陳自瑤都呻過王浩信冇時間陪家人，王浩信都講過自己工作忙，冇留意老婆嘅社交網，幾個星期冇見家人，昨日有周刊指，王浩信已經搬離日出康城，只係間唔中返去陪囡囡王靖喬，又話王浩信一直想追個仔，之但係陳自瑤覺得生一個夠晒，鍾意拍劇，唔想生，感情亮紅燈。
報道又指，王浩信現時同細佬王瑋彤住喺維景灣畔，未知係唔係6月被爆搬出愛巢，王浩信上月尾同今個月出完活動，發現有記者，佢都返咗去日出康城寓所，有知情者向周刊指王浩信為保暖男形象，暫時冇打算同陳自瑤離婚。之不過佢哋兩公婆結婚5年幾，話唔定王浩信出招o氹下老婆就咩都搞掂。
from:
http://hk.apple.nextmedia ... 170929/20168005
