42歲的雪兒保養得宜，完全沒有半點歲月痕跡。
長年keep住一年最少拍5部電影的古天樂，港、台當紅的女藝人幾乎全部合作過！要搵個有新鮮感又襯得起古仔的拍檔，難度150分，唔通次次都係鄭秀文咩！
古仔今年初開拍的新戲《殺破狼．貪狼》要物色老婆一角，遇上曾經friend到傳過緋聞，做咗人妻的雪兒放風有意回流發展，男主角助攻，加上《殺》片導演葉偉信同雪兒素有交情，雙方一拍即合，女方旋即返港開工！
傳過緋聞
早前《殺》片的攝製組拉隊在九龍灣運動場附近開工，尚未見男主角古天樂出現，但係就發現絕跡娛樂圈一段長時間的雪兒（Michelle Saram）蹤影，她化好妝，沒有半點歲月痕跡的她坐在馬路邊等埋位，戲中飾演她女兒的小演員，在工作人員的陪同下與雪兒會面增進感情，兩人有傾有講，未幾飾演爸爸的古天樂甫到現場，十八年前兩人合拍《爆裂刑警》傳過緋聞，之後喺古仔的引薦下入大台，連拍《創世紀II之天地有情》和《尋秦記》兩劇，兩人再次碰頭，自然雞啄唔斷，不過雪兒的吹水位置好快就俾拎住公仔的小演員取代，意外地平日cool爆的古仔竟然肯陪玩公仔，氹得小演員在現場笑聲不絕！
十多年冇見，古仔同雪兒等埋位期間好好傾。
近日雪兒再度回港，於Fb透露為另一部電影參與演出。
雪兒入行首部電影，便是99年夥拍古仔的《爆裂刑警》。
稱得上是雪兒伯樂的葉偉信，繼《爆》片後，翌年的《神偷次世代》安排她飾演Michelle一角。放風想復出
現年四十二歲的雪兒自從二○一○年成為人妻，脫離娛樂圈養尊處優，她不單只沒有半點C9的氣息，同廿多年前與郭富城拍電訊廣告時，樣貌同身材都沒有明顯差別。婚後的雪兒除了做賢妻之外，更要照顧埋丈夫與前妻所生的子女，隨着老公與前妻所生的子女相繼長大，到外地升學，去年底雪兒密謀復出娛樂圈玩吓，不時來港出席活動，遇上當時大台重播《創世紀II》，記者於是追問她會否重返幕前，當時雪兒話：「交俾公司傾，最重要睇自己時間，老公都支持我做開心嘅事。」
報導出街，消息好快傳到舊拍檔古仔耳中，夾啱電影公司正為自己在《殺》片物色老婆一角，古仔覺得雪兒闊別娛樂圈多時，對自己同觀眾都好有新鮮感，覺得可以一試，導演葉偉信更認定她是戲中古仔老婆的不二人選，於是親自接洽。
其實十八年前葉偉信大膽起用零演戲經驗，又唔識睇中文的雪兒在《爆裂刑警》做女一，同古仔合演對手戲，稱得上伯樂的葉偉信開到聲，即使只有一日的戲份，雪兒都馬上答應，來港開工。
小演員眼大大勁得古仔歡心，未埋位竟然氹到男主角陪玩公仔。
香港的戲份唔似泰國外景日打夜打，古仔有空閒同幕後企埋吹水打牙骹。洪金寶秘製速成班
《殺》片系列向來以動作場面連場做賣點，古仔不諱言今次是他入行以來打得最甘的一次，打鬥場面向來都不是他的強項，洪金寶為打造古仔成為打得之人，於是將電影中每一場動作場面，搵洪家班兄弟預先拍攝，更認真到剪接、配樂都有埋，然後交俾古仔跟住練習，加上戲中飾演大反派的Chris Collins現場不時加操，所以《殺》片的古仔睇落堅係好打得！
古仔最甘的場口，是一口氣擸刀連劈十多分鐘，為求演得逼真，鏡頭以外男主角刀不離手不停練。
泰國外景古仔由早打到晚，相比之下，爆樽只是碎料。
大哥大洪金寶為了令古仔成為打得之人，特別預拍動作場面，給對方作準備。跟得夫人
現年已經42歲的中印混血兒鄭雪兒，97年與郭富城合作電訊廣告入行，並一度傳出緋聞，其後，99年首拍電影《爆裂刑警》，同古仔合演對手戲。其後於對方的引薦下加入無綫，拍過《創世紀II之天地有情》，更憑《尋秦記》而為人認識；02年轉戰台灣，曾接拍《流星花園2》，四年後漸漸淡出娛樂圈，10年下嫁比她年長四年的GHM酒店集團太子爺Ajai Zeda，定居新加坡。婚後除了做跟得夫人，陪老公Ajai四出公幹外，亦要照顧老公同前妻的子女，稱得上是全職的家庭主婦。
10年雪兒下嫁Ajai，定居新加坡。
同古仔傳過緋聞的雪兒，在對方引薦下入大台拍《創世紀II之天地有情》。
撰文：娛樂組
攝影、攝錄：李玄、瀚鍾
相隔18年再拍古天樂42歲雪兒Michelle Saram無老過
