姜皓文（黑仔）喺亞視出身，捱到今時今日喺影圈算係佔有一席位，誇張到一年閒閒哋十幾部港產片都有佢份參演，係相當多產量嘅一位演員。
正所謂多啲嚟、密啲手，「密食當三番」，佢嘅收入自然係豬籠入水，不過昔日係由低做起，生活依然「貼地」，慳家個性不改。
一向走開平實路線嘅佢，日前喺油尖旺區閒逛，都冇乜途人認得。東姑見佢行過間街坊表行時，竟然唔係睇啲名牌表，反而睇櫥窗嗰啲一千幾百蚊一隻嘅電子膠表，睇到入晒神，正所謂「知足常樂」，認真難得。
捱足多年嘅佢，上周憑電影《拆彈專家》奪得《第一屆馬來西亞國際電影人年展》最佳男配角獎，佢激動說︰「呢個係我從影三十二年第一個電影獎項，好感恩。」
黑仔為人「貼地」，日前行經旺角嘅表行，都係睇一千幾百蚊嘅膠表，唔貪名牌子。
喺影圈產量超多嘅佢，一年閒閒哋拍十幾部戲，早排喺《追龍》裏面，同甄子丹都有唔少對手戲。
